Fushë-Kruja është tronditur nga shpërthimi i tritolit. Një sasi lëndë plasëse ka shpërthyer në cepin e oborrit të dy shtetasve në fshatin Larushk të Fushë-Krujës.
Ngjarja ka ndodhur afër mesnatës ku në cepin e oborrit që lidh banesat e shtetasve Besim dhe Ramazan Muçës është hedhur nga rruga dhe ka shpërthyer një sasi e vogël lënde plasëse.
Nga sa mësohet, tritoli është vendosur në shtëpitë e të afërme të Xhisiela Malokut, e cila së fundmi është kthyer në qendër të vëmendjes për shkak të dhunës së ushtruar nga djali i deputetit të PS-së.
Gazeta Shqiptare mëson se Ramazan Muça është gjyshi i Xhisielës nga nëna.
Nga shpërthimi nuk ka të lënduar dhe as dëme materiale. Policia ka shkuar menjëherë në vendin e ngjarjes, ndërsa bëhet e ditur se janë shoqëruar 9 persona.
NJOFTIMI I POLICISË
Më datë 07.10.2018, rreth orës 23:30, në fshatin Larushk Fushë-Krujë, në cepin e oborrit që lidh banesat e shtetasve B.M dhe R.M është hedhur nga rruga dhe ka shpërthyer një sasi e vogël lënde plasëse.
Nga shpërthimi nuk ka të lënduar dhe as dëme materiale. Policia ka shkuar menjëherë në vendin e ngjarjes.
Janë shoqëruar në Polici 9 persona. Grupi hetimor vijon veprimet në bashkëpunim me Prokurorinë për zbardhjen e rrethanave të ngjarjes , identifikimin dhe kapjen e autorëve
